Larawan: Venus Raj / IG
Venus Raj ikinasal na kay North Orillan
NAGPATALI na si Miss Universe 2010 4th runner-up Venus Raj sa kanyang non-showbiz fiancé na si North Orillan, Disyembre 12 sa Multi-purpose Hall, Christ’s Commission Fellowship (CCF) Center sa Pasig.
Ibinahagi naman ng photographer na si Pat dy ang first bridal look ni Venus.
Suot ng beauty ang isang shimmering full fitted bodice at long veil na gawa ng fashion designer na si Francis Libiran.
Looked dapper naman si North sa suot niyang silver tuxedo set at trousers, na may white flower sa kanyang kanang dibdib.
Engrade naman ang wedding venue ng dalawa dahil puno ito ng iba’t ibang klase ng puting bulaklak at glass chairs na decorated ng event stylist na si Dave Sandoval.
Dalawa naman ang naging hashtag ng kasal. Ang isa ay #GodPointedVenustoNorth at ang isa naman ay #NorthLandedonVenus.
