UMANI ng papuri sa Senado ang Authority of the Freeport Area of Bataan (AFAB) sa isinagawang sesyon kamakailan sa plenaryo.

Ang AFAB ay pinangungunahan ni Engr. Emmanuel Pineda, isang hinahangaang magaling na administrador dito.

Ang pagiging AFAB ng dating nalulugong Philippine Economic Zone, ay bunga ng mga batas na isinulong nina congressmen Abet Garcia at Joet S Garcia, na siya nang bagong governor ng Bataan.

Bago isalang ang inihaing budget ng AFAB para sa taong 2023 sa pangunguna ng sponsor nito na si Senator JV Ejercito Estrada, ipinahayag ng ilang senador, kabilang ang pangulo ng senado na si Juan Miguel Zubiri ang kanilang pagkilala sa pamamahala at operasyon ng AFAB sa Bataan.

“You are doing a great job, you have a lot of locators in a span of a few number of years. Keep up the good work. I hope everybody does as well as you there in AFAB,” ani Senate President Zubiri.

Dagdag pa ni Senator Alan Peter Cayetano, “I do believe that they also deserve a little bit more support, given that they have hanged on, they started it, at sila ang naging model.”

Sinuportahan pa ito ni Senador Joel Villanueva at sinabing, “We have a great partnership with AFAB. [They were] even featured in so many international news outlets. They’re having a great time there in AFAB, the unemployment rate went down drastically, a lot of products in the public market are being bought by our kababayans, we were able to increase their purchasing power.”

Dinaluhan ni AFAB Deputy Administrator for Support Services Ma. Lourdes L. Herrera ang nasabing sesyon kasama ang ilang managers ng mga departamento ng AFAB.

AUTHOR PROFILE

Christian D. Supnad