Parak na na naka bullet-proof sugatan sa drug suspek na nakatakas
ISANG pulis na naka bullet-proof vest at naka-assign sa Zamboanga City ang muntik matodas sa armadong drug trafficker na nabigo niyang timbugin noong Sabado.
Tinamaan na ng bala si Corporal Rodneyloyd Babao sa braso ng suspek na si Antonio Pedro hindi pa nahuli ang suspek, ayon kay Zamboanga City police director Colonel Kimberly Molitas.
Pumunta si Cpl. Babao at kanyang mga kasamahan sa bahay ng akusado sa Sitio Tarlago, Brgy. Tictapol para isilbi ang arrant of arrest dahil sa paglabag sa Republic Act 9165 (Comprehensive Dangerous Drugs Act of 2002) pero epic fail ang resulta ng arrest mission.
Habang papalapit ang mga pulis, biglang namaril ang suspek at tinamaan si Cpl. Babao na naka-bullet proof vest pa mandin.
Gumanti ng putok ang mga parak at ayon sa kanila tinamaan daw ang suspek pero nakatakas na.
Bago ang enkuwentro, ni-raid ng Zamboanga City police ang bahay ng isa pang target na si Jay Joven Tan na nahaharap naman sa violation ng RA 9165 at RA 10591 (Comprehensive Firearms and Ammunition Regulations Act of 2013).
Nakuha sa bahay ng akusado ang tinatayang P612,000 halaga ng shabu.
“Chief PNP General Rommel Marbil’s call to focus on anti-crime campaign along with the PRO 9 Regional Director PBGen Bowenn Joey Masauding’s inspiring support to our troops further bolster our commitment to ensuring the safety and security of the community,” dagdag pa ni Col. Molitas.
