APRUBADO ng aktres na si Sylvia Sanchez ang engagement ng anak na si Congressman Arjo Atayde sa girlfriend of three years na si Maine Mendoza.

Matapos ang big reveal sa Instagram nina Maine at Arjo ng kanilang engagement, nag-post din si Sylvia ng pag-congratulate sa dalawa.

Caption ng aktres sa ilang litratong ibinahagi mula sa momentous event: “He asked Her and She said, YES!!!

“Finally!! Welcome to the family, Maine. Thank you for loving my son.

“Love you Nak

“I promise that I will take care and love you as my own Daughter.”

Winelkam din si Maine sa kanilang pamilya ng kapatid ni Cong. Arjo na si Ria Atayde.

Sa IG post, sinabi ni Ria na, “You’ve always been Mister Grand Gestures Arjo. But I think among all you’ve done, this has got to be my most favorite.

“So excited to officially welcome you into the family Maine.”

Bongga ang ginawang marriage proposal ni Cong. Arjo kay Maine nitong July 28. Kumpleto sa floral set-up at fireworks.

Naganap ang proposal siyam na taon matapos mag-tweet si Maine ng “Arjo cutie” nu’ng July 28, 2013.

Five years later, naging magdyowa na nga ang dalawa at July 28 din nag-propose si Cong. Arjo sabay lagay sa IG niya ng: “My turn, I will marry you cutie.”