NAIS ng isang mambabatas na dagdagan ang bilang ng associate justice sa Court of Appeals (CA) upang matugunan ang dumaraming bilang ng mga nabibinbing apelang kaso sa hukuman.

Sa House Bill No. 4033 na isinumite ni Cavite (8th district) Rep. Aniela Bianca Tolentino, sinabi nitong napapanahon nang magdagdag ng panibagong justices sa CA.

“Our country has gone a long way since there was a law increasing the number of Court of Appeal Justices. It was back in 1996, there has been a lot of development in the Philippines since 1996.

This representation believes that development should be holistic, it should cover all fronts, including dispute resolution and dispensation of justice,” sabi Tolentino sa kanyang Explanatory Note.

“The economic progress, increase in population, and growth of business that the country has experienced for the past years brought the need for a faster disposition of judicial cases, especially at the appellate level. Efficiency in the criminal justice system, public order and safety, and the proper interpretation and implementation of our laws, are all dependent on the fast and efficient performance of courts of justice,” ani Tolentino.

“As such, this representation finds it necessary that additional justices and Divisions of the Court of Appeals be created so that the disposition of cases on the appellate level will be faster,” wika pa niya.

Sa ganang akin, magandang panukala ito lalo’t kung ito ang magiging daan upang mapabilis na madesisyunan ang mga nakabinbing apila sa CA.

Marami na tayong naririnig na reklamo tungkol sa mabagal na pag-usad ng kaso. Kung hindi man sa talamak na ‘lagayan’ o bilihan ng desisyon sa hukuman, ay may umaangal dahil sa mabagal na pagdinig sa mga kaso.

May nagsasabing palaging lugi sa isang asunto ang mga taong walang pera at impluwensiya.

Isang sistema sa hukuman na hindi maganda lalo’t totoo ang kasabihan na ‘justice delayed, justice denied.’

Kung ang karagdagang justices sa CA ang magiging daan para mapabilis ang paglabas ng desisyon ng inaapilang kaso, walang dapat maging hadlang dito, depende na lang siguro sa guguguling pondo para rito.

Sa kasalukuyan, ang ating CA ay may isang presiding justice at 68 associate justices. And lahat ng ito ay appointed ng Pangulo ng bansa mula sa mga shortlist na pangolin na isinumite at inirekomenda ng Judicial and Bar Council.

Naniniwala tayong kung kulang ang bilang ng mga pulis at bansa para bantayan ang kabuuang popülasyon ng Pilipinas na 116 million, tiyak ay kulang na kulang din ang mga alagad natin sa hudikatura.

Sana ay suportahan ng Mataas at Mababang Kapulungan ng Kongreso ang panukala ni Cong. Tolentino.