Dumagsa sa social media ang pagbati ng celebrities and fans ni Vice Ganda kahapon (Sunday) sa pagdiriwang ng 48th birthday ng Unkabogable Star.

Nag-post ng birthday reel si Meme Vice sa Instagram na ipinapakita ang iba’t iba niyang bonggang look at outfit.

Caption niya, “Mothering video tutorial from the unkabogable mother of mothering! Daming mother! Waaaah!!!”

Sa comment section ay hindi matapus-tapos ang pagbati ng kanyang well-wishers kabilang na nga ang kapwa-celebs tulad nina Ruru Madrid, Aiko Melendez, Vina Morales, Amy Perez, Ryan Bang, Kyline Alcantara, Karylle, Arci Muñoz, Kean Cipriano at marami pang iba.

Bukod dito ay may kanya-kanya ring sariling separate post ang iba pa niyang friends partikular na ang co-hosts niya sa It’s Showtime.

“Happy happy birthday to the mother of all mothering mothers, Ate @praybeytbenjamin!!! Enjoy your day!!!” ang pagbati ni Jugs Jugueta

“Happy birthday meme @praybeytbenjamin I’m one of the happiest when you and Ion found eachother. Stay in love and passionate with eachother as you both fix your eyes on Jesus. Good health, long life, and protection from our God above! Love you meme lam mo yan,” ang birthday message naman ni Teddy Corpuz.

Pero siyempre, pinaka-sweet ang greetings ng dyowa niyang si Ion Perez.

“Tulad ng sinabi ko dati maraming rason ang TAMA para maging MALI pero ang pag mamahal ko sayo kahit KAILAN walang rason para maging MALI. Happy birthday my bestfriend my soulmate my babe my WIFE I LOVE YOU MOST!!” ang matamis na birthday message ni Ion.

Ngayong Monday (April 1) naman ang pasabog na birthday celebration ni Vice sa It’s Showtime kasabay ng first broadcast ng noontime show sa GMA-7.

AUTHOR PROFILE

Vinia Vivar