ARTIST TIMBOG–Kinilala ni MPD Chief P/Brig. Gen. Arnold Thomas Ibay ang suspek na tattoo artist matapos matimbog dahil sa baril at granada. Kuha ni Jon Jon Re
Tattoo artist huli sa boga, bala, granada
ARESTADO ang tattoo artist nang makitaan ng improvised na Uzi na may anim na bala at granada sa Mayhaligue St., Brgy. 248, Zone 22, Tondo, Maynila noong Lunes.
Kinilala ni Manila Police District Director Police Brig. General Arnold Thomas Ibay ang suspek na si alyas Roby.
Batay sa ulat ng District Intelligence Division-Special Mayor’s Reaction Team (DID-SMArT), bandang alas-6:00 ng umaga nang pasukin ang loob ng bahay ng suspek.
Inaresto ang suspek sa pangunguna ni Major Dave Apostol kasama si Police Major Kevin Rey Bautista.
Nahaharap sa kasong paglabag sa Republic Act 10591 (Comprehensive Firearms and Ammunition Act) at RA 9516 (Unlawful Possession of Explosive) ang suspek.
