Matapos tanggapin ang Global Force award sa Billboard Women in Music 2024 sa California, USA kahapon, March 7 (Philippine time), masayang humarap si Sarah Geronimo sa kanyang Instagram followers and fans sa pamamagitan ng isang video post kahapon.

Muli ay abut-abot ang pasasalamat ni Sarah sa Billboard at sa lahat ng sumusuporta sa kanya. Kasama sa kanyang pinasalamatan si Boss Vic del Rosario, ang kanyang manager mula pa noong nagsisimula siya.

Super thankful din si Sarah sa mister na si Matteo Guidicelli na nag-push sa kanya para pumunta sa US at personal na tanggapin ang parangal.

“Siya talaga ‘yung nag-push sa ‘kin to go here and personally accept the award. Siya talaga ‘yung nagbigay sa ‘kin ng confidence,” aniya.

Ayon sa Popstar Royalty ay sobra siyang overwhelmed at hindi niya ma-explain ang kanyang nararamdaman.

Aniya, isang malaking karangalan na i-represent ang ating musika sa ibang bansa.

“Wala na akong masabi, nahihilo na lang ako ngayon. Sobra akong overwhelmed, hindi ko ma-explain ‘yung emotions, lahat ng nararamdaman ko during the event,” aniya.

Aminado siyang dahil sa nerbyos ay namantal pa ang kanyang leeg.

“Naglabasan na nga po ulit ‘yung hives ko, ayan o. Magmula nu’ng paggising ko, and’yan siya, hanggang ngayon, nag-worsen na siya because of ‘yung sa nerbyos ko.

“But I just prayed na talagang… ang importante, I spoke from the heart at napasalamatan ko ‘yung mga tao talagang tumulong sa akin especially Billboard Philippines at sa lahat ng sumusuporta sa akin,” sey ng wifey ni Matteo.

Dagdag pa niya, ibang level ng inspiration ang naibigay sa kanya ng natanggap na award.

“Sobrang inspiration, motivation po ‘yung naibigay nito sa akin. Parang na-renew ‘yung fire sa puso ko, ‘yung passion ko as an artist at ang paniniwala ko lalo sa ating mga Pilipino na kayang-kaya natin talagang to really go further at i-uplift pa at talagang ma-recognize, ma-showcase ang Filipino world class talent,” aniya.

Masayang-masaya rin si Sarah na makita ang mga kababayan natin doon na nagtsi-cheer para sa kanya.

Sabi naman ni Matteo, “Oo, ang dami. At si Katy Perry, nasa tabi mo, ‘di ba?”

Sagot naman ni Popstar, “Medyo malayo sa akin si Katy Perry, ang ganda ni Katy Perry.”

Super happy din ni Sarah na na-meet niya at nakausap ang award-winning American singer/songwriter na si Victoria Monet.

“Anong sabi si Monet sa ‘yo?” tanong ni Matteo sa asawa.

“Sabi niya sa akin, ang ex (boyfriend) daw niya ay Pilipino. At ang sarap daw ng food natin,” sagot ni Sarah.

Hirit ni Matteo, “At sabi niya, ang galing daw ng speech mo at lahat ng mga tao do’n, pati ‘yung mga ushers sa gilid, sabi niya, ‘ma’m, your speech was so nice.”

Samantala, narito naman ang full acceptance speech ni Sarah:

“Jusko Lord! I said ‘Oh, my God.’ Good evening everyone, I’m Sarah Geronimo from the Philippines. Hello po sa mga kababayan ko, maraming salamat for being here, for giving your support.

“Thank you very much Billboard for celebrating Women In Music, and of course, for giving our country this meaningful recognition. Maraming, maraming salamat Billboard Philippines for your commitment to bring our music, Filipino music and more Filipino artists to a global audience.

“I humbly accept this award on behalf of every amazing, excellent Filipina, Filipino artist back home and all over the world. I’d also like to take this moment to thank God first for the gift of music. Hindi ko po inisip, hindi ko po pinagarap na mararating ko po ‘yung ganito, that I’ll be able to deliver a speech in front of an international audience. Tama ba ‘yung grammar ko?

“Thank you to my parents, thank you sa aking nanay at tatay. Maraming, maraming salamat po for your unconditional love, for believing in me, for supporting me. To my family, to my manager Vic del Rosario and Viva. To my Popsters — kung meron man mga Popsters dito — thank you your unwaivering support. To my husband Matt, thank you for encouraging me and pushing me to be a better version of myself everyday.

“For me, this recognition signifies courage and hope. Courage to accept and embrace one’s self, courage to break boundaries and defy standards, courage to rise above all the setbacks that every artist has to face. And the hope that one day, this recognition will bridge the gap between the Philippines and other nations to create change and positivity in the world through the power of music.

“Muli, ako si Sarah Geronimo, isang Filipina. Maraming salamat po, mabuhay ang OPM! Thank you, Billboard.”