NASA UK pa si Lovi Poe kaya via Zoom ang partisipasyon niya sa katatapos na “killer finale” mediacon ng magtatapos niyang serye na Flower of Evil kasama sina Piolo Pascual, JC de Vera, Paulo Avelino at Edu Manzano.

Nang tuksuhin ni Piolo na “lovelife” ang inaatupag ng aktres abroad, nilinaw ni Lovi na hindi lang lovelife ang pakay niya sa pag-alis kundi trabaho rin. Pero sa ngayon, hindi pa raw niya pwedeng sabihin kung ano ito.

Anyway, bilang certified K-drama fan, pagkatapos ng Flower of Evil ngayong Oktubre 8 at 9, bet ni Lovi na magbida sakaling gawin ang Pinoy adaptation ng isa pang sikat na K-drama, ang Something in the Rain, na pinagbidahan nina Son Ye-jin, Jung Hae-in at Jang So-yeon nu’ng 2018.

Ang may pagka-May-December affair project ay unang ipinalabas sa Netflix.

Paliwanag ni Lovi, “I always find K-drama stories very fascinating and for some weird reason, ‘yung mga writer talaga nila know how to capture the hearts… so it’s so nice that somehow, we get to do that and tell our own version of it.”

Samantala, gaya ng unang presscon, puring-puri pa rin ng aktres si Papa P.

Aniya, “Piolo is the one holding the group together and contagious so when the leader gives his best, does not even complain, you have no choice but to actually feel the same kasi you have to emulate such character. I now understand why Piolo is always on top, why he is Piolo Pascual not just because he’s a great actor but because of how he is as a person.”

AUTHOR PROFILE

Ian F. Fariñas