Itinanggi ni Gela Atayde ang tsikang buntis ang ate niyang si Ria Atayde.

Napapabalita kasing buntis ngayon si Ria matapos ang announcement ng engagement nila ni Zanjoe Marudo kamakailan.

Pero ayon kay Gela sa panayam ng ABS-CBN, may Polycystic Ovary Syndrome (PCOS) ang kanyang Ate Ria kaya mahihirapan itong magbuntis.

Gayunpaman ay sinusubukan umano ng engaged couple na makabuo ng baby.

“For me I can’t say much yet. For now, no. They’re trying that’s for sure. My sister has PCOS and it would be a miracle if she has a child. Well, at least my parents also are supportive for that my sister nga kasi is at the age — turning 32 this year medyo kailangan na din,” sabi ni Gela sa naturang panayam.

Kwento pa ng youngest daughter ni Sylvia Sanchez, nagustuhan niya kung paano nag-propose si Z sa kanyang Ate Ria.

“I love Kuya Z, I was so happy that when they told me, I cried. I love how Kuya Z proposed to her, he just did it in bed just both of them just woke up so we weren’t there,” sabi ni Gela.

Sa ngayon ay wala pang announcement ang engaged couple kung kailan at saan gaganapin ang kasal.

AUTHOR PROFILE

Vinia Vivar