ANIMNAPUNG araw na sinuspendi ng Office of the President si Davao del Norte Governor Edwin Jubahib.

Ito ay matapos ireklamo si Jubahib ng kasong administratibo mula sa iba’t ibang partido, kaugnay sa umanoy hindi tamang paggamit ng kanyang awtoridad.

Inireklamo rin ang gobernador ng pang aapi, hindi tamang paggamit ng pondo ng gobyerno para mapaboran ang pribadong kumpanya at iba pa.

Nilagdaan ni Executive Secretary Lucas Bersamin ang suspension order laban kay Jubahib.

Inaatasan si Department of Interior and Local Government Secretary Benhur Abalaos na ipatupad ang preventive suspension..

Sinabi naman ni Abalos na alam nila ang hamon na kakaharapin ng kanilang mga opisyal para ipatupad ang suspension order.

“We recognize the challenges faced by our officers during the implementation of this suspension order, and we commend their professionalism and dedication in upholding the law amidst any resistance encountered,” ayon pa kay Abalos

AUTHOR PROFILE

Chona Yu