OFW Hospital
DAHIL sa kanilang mga kontribusyon sa socio-economic development ng Pilipinas, ang mga migrant worker ay kabilang sa tinatawag na “modern-day heroes” ng bansa.
Sa katunayan ay napakalaking tulong ang bilyun-bilyong dollar remittances ng overseas Filipino workers (OFWs) para pasiglahin ang ating “struggling Philippine economy.”
Hindi matatawaran ang kontribusyon ng ating OFWs sa socio-economic development ng Pilipinas, lalo na “during trying times” na kagaya nitong nakaraang pandemya.
Dahil dito ay dapat lang na siguraduhin ng gobyerno ang “health, safety and welfare” ng mga “makabagong bayani”na ito at ang kani-kanilang mga dependent sa bansa.
Kaya marami ang natuwa nang ipasa ng House of Representatives ang isang bill na naglalagay sa kontrol ng Department of Migrant Workers (DMW) ang “OFW Hospital.”
Ang “OFW Hospital” sa San Fernando City, Pampanga ay binuksan noong June 2022 “to provide comprehensive health services primarily to OFWs and their legal dependents.”
Ang pagpasa sa House Bill (HB) No. 8325 “is proof of the House of Representatives’ continuous support and commitment to the welfare and protection of OFWs,” ayon kay Speaker Martin G. Romualdez.
Sinabi pa ni Speaker Romualdez na ang specialty hospital “will ensure that OFWs and their dependents will get quality, timely and efficient healthcare services that they deserve.”
Para naman kay Kabayan Party-list Rep. Ron Sato, chairman ng House committee on overseas workers’ affairs, ang aprobal ng HB No. 8325 ay “isang welcome development.”
“I am more than elated by this development. We are another step closer towards realizing this gift to our OFWs,” dagdag pa ng party-list congressman.
Kapag maging batas ang HB No. 8325 ay maraming OFWs ang matutuwa dahil talagang malaking problema nila kapag nagkakasakit ang kanilang mga mahal sa buhay sa bansa.
