![Sunog](https://journalnews.com.ph/wp-content/uploads/2024/05/Sunog-3.jpg)
Mag-lolo utas sa sunog
PATAY ang mag lolo ng ma-trap sa nasusunog nilang bahay sa 1546 Kapampangan corner Pedro Gil St., Sta. Ana, Maynila noong Sabado.
Namatay sa sunog ang sina Danilo, 61, at isang 6-anyos na batang lalaki.
Nasa humigit-kumulang sa P100,000 ang pinsala ng sunog.
Ayon sa ulat ng Manila Fire Department-Bureau of Fire Protection, pasado alas-4:43 ng umaga ng sumiklab ang apoy sa nasabing lugar.
Idineklarang fire under control dakong alas-6:00 ng umaga at fire out na ng alas-6:40.
Rumesponde ang mga pulis ng Manila Police District-Labores Police Community Precinct para masiguro ang seguridad at maiwasan ang mga masasamang loob na dadayo sa lugar para magnakaw.