Sinagot ng former partner ni Dennis Padilla na si Linda Marie Gordon ang mga sinabi ng aktor sa isang interbyu kamakailan.

Si Linda ay isang Filipino-Australian na nakarelasyon ni Dennis for almost 12 years. May dalawa silang anak, sina Gavin at Maddie na naninirahan na ngayon sa Australia kasama ang kanilang ina.

Sa Instagram account ni Linda ay nagbigay ng paglilinaw ang ex-partner ni Dennis tungkol sa child support at sa kanilang paghihiwalay.

“First of all, consistency in child support wasn’t always the case. Through the years, there were many lapses in between. And many times I had to, and still have to persistently ask for it kasi kung papabayaan ko matagal at kulang kulang ang padala.

“Because I also work here, ako ang nagpuno sa mga pagkukulang na iyon. I don’t know what ‘madugo’ meant in his statement when this is what was more or less the normal expenses for the kids even back then when we were still living together,” pahayag ni Linda.

“In fact, the support he gives to the children, when spent here, lumiliit na kasi the actual cost of living in Australia is far more expensive compared to the Philippines,” dagdag pa niya.

Nilinaw din ni Linda na wala silang co-parenting set-up ni Dennis dahil hindi na nila ito napag-usapan mula nang maghiwalay sila.

“Secondly, we don’t have a co-parenting set-up because since we parted ways in July of 2020, we never had a formal conversation about our separation and how we will raise our kids. Basta nakakausap niya lang ang mga bata,” she wrote.

Tungkol naman sa kanilang paghihiwalay, ayon kay Linda, hindi ito dahil sa financial problems.

“Lastly, why Dennis and I separated goes beyond ‘hindi pagkakaintindihan.’ It was never about financial problems. I stayed with him for almost 12 years, mayroon man kami o walang pera. I stayed for him and I stayed for the kids because I wanted a complete family for all of us.

But just like most things in life, you can’t have everything you want.

“In the end, if there were many new things that he learned in life just like he said, so did I. I learned more about self-worth, patience, understanding, and to only speak the truth,” pahayag ni Linda.

Bukas ang People’s Tonight para sa panig ni Dennis tungkol sa mga sinabi ng kanyang ex-partner.

HEART NANGULILA KAY CHIZ

Nasa Paris na naman pala si Heart Evangelista base na rin sa kanyang mga post lately.

Pero this time, hindi niya kasama ang mister na si Sen. Chiz Escudero.

Sa kanyang Instagram post ay nagbahagi ng mga larawan ang global fashion icon habang nakaupo sa bench ng isang park.

Sa caption ay ipinahayag niya ang nararamdaman na hindi niya kasama ang asawa.

“Sundays in Paris are amazing but indeed it’s not the same without @escuderochiz,” Heart wrote.

Matatandaan na ilang beses na ring sinamahan ni Sen. Chiz si Heart sa pagrampa nito sa Paris to show his all-out support for his wife.