WALANG itulak-kabigin sa line-up ng artists na bumubuo ng pre-Valentine concert na ILYSM (I Love You So Much) dahil sinala talaga ng Viva Live ang hitmakers ng kasalukuyang henerasyon.

Pinagsama-sama nga sa nasabing live performance sa Smart Araneta Coliseum sa February 13 ang hottest acts ng digital scene tulad nina Arthur Nery, Rob Deniel, Janine Teñoso, Adie, MRLD, Rhodessa at Alamat bilang special guest.

Ang mga ito ang current toast ng iba’t ibang streaming platforms kung saan humahakot sila ng milyun-milyong views at streams.

Si Arthur ang heartthrob mula Cagayan de Oro na umawit ng Take All the Love, Pag-samo, Isa Lang at Higa. Awit Award winner naman for Best Pop Recording si Janine, na nakilala sa mga kantang ‘Di Na Muli, Tingin, Pelikula, Hindi Tayo Puede at Tag-araw.

Si Rob, ang fast-rising idol at exponent ng retro-inspired romantic ballads, ang nagpasikat sa mga awiting Rom Com, Miss Miss, Sinta, Ang Pag-ibig at ang record-breaking na Ulap habang si Adie ang dreamboat ng alternative pop at paboritong leading man sa YouTube videos.

Sina Mrld (ng Meriel de Jesus) at Rhodessa ay kabilang din sa mga surprise newcomer breakthrough na may respective hits na Ikaw Pa Rin at Kisame, respectively.

Ang ticket prices sa ILYSM ay P4,200; P3,400; P2,600; P1,400; P800; at P400.

Available na ang mga ito sa ticketnet.com.ph o kaya nama’y tumawag sa Viva Live hotlines: 0955-0171799 o (8)687-5853 Local 841.

AUTHOR PROFILE

Ian F. Fariñas