NAGSAGAWA ng gift giving at feeding program ang pamunuan ng Manila Police District Forensic Unit (SOCO) kasama ang Advisory Council sa pamumuno nina PLt.Col. Edmar A. Dela Torre Chief ng MPD Forensic Unit, PLt.Gloria Cortes,at Gng.Corazon S. Rodriguez na siyang Chairperson ng Advisory Council sa MPD Headquarters Linggo ng umaga.

Halos umabot sa mahigit 300 pamilya ang nabigyan ng libreng gamot, bitamina para sa mga bata, grocery items at libreng almusal sa Luneta Park.

Nagkaroon din ng paglilinis sa quadrangle ng MPD sa pamumuno ni Punong Barangay Manny Nieto ng Brgy 660-A zone 71, District 5,lungsod ng Maynila, na miyembro rin ng Advisory Council.

Lubos naman ang pasasalamat ng grupo ng MPDFU Advisory Council kay MPD Director Police Brig. General. Andre P. Dizon dahil sa kanyang suporta at sa ginawang gift giving na may temang “Ang Pagtulong sa Kapwa Ay Walang Katumbas Na Halaga”.

Kabilang sa mga nagbigay ng suporta at tumulong sa pagbibigay ng mga regalo ay sina Vincent Chan, Andy Co, Eric Hernandez, Alden Aguas, Ashley Palaganas at Jeffrey Cudala bilang representante ni Jenie Cudala at Micheal Pangilinan ng Araullo Senior High School at Jonjon C. Reyes, photojournalist ng People’s Journal Tonight na miyembro rin ng District Advisory Group ng MPD bilang media representative.

AUTHOR PROFILE

Jonjon Reyes