Dongyan, hooked sa ‘Squid Game’
’KAALIW ang pambubuking na ginawa ni Dingdong Dantes sa misis na si Marian Rivera na hooked din pala sa pinag-uusapang Korean series na Squid Game na numero uno sa Netflix.
Nag-post si Dingdong ng litrato ni Marian sa IG na may dalawang wine glasses at nilagyan ng caption na: “Debriefing after Squid Game’s episode 6. Ambigat! What a series! Guessing game na rin on what could happen next.”
Ilang beses nang sinabi ni Marian sa interviews na mahilig nga siya sa K-drama at katunayan, crush niya ang oppa na si Hyun Bin.
Kaya naman hindi kataka-taka na hooked din siya sa Korean series na Squid Game. Ang kaibahan lang, hatak na niya ang asawang si Dingdong.