INANUNSYO na kahapon ng Metro Manila Film Festival execom ang walong official entries sa kauna-unahang Summer Metro Manila Film Festival na magsisimula sa April 8 hanggang 18.

Hindi tulad ng taunang MMFF tuwing Disyembre, karamihan sa entries ay drama at walang horror.

Kabilang sa walong pumasok ang pelikula ni Bela Padilla sa Viva Films na Yung Libro sa Napanuod Ko kung saan katambal niya ang Korean actor na si Yoo Min-Gon.

Si Bela mismo ang nagsulat at nagdirek nito at kinunan ang mga eksena sa South Korea.

May special participation sa pelikula sina Lorna Tolentino at Boboy Garovillo.

Kasama nitong magtatapatan sa takilya ang iba pang entries sa SMMFF ay ang Apag (Centerstage) ni Brillante Mendoza, starring Coco Martin, Lito Lapid, Jaclyn Jose; Single Belles (TinCan) by Fifth Solomon, starring Alex Gonzaga, Angeline Quinto; About Us But Not About Us (The IdeaFirst Company, Quantum, October Films) by Jun Lana, starring Romnick Sarmenta, Elijah Canlas; Kahit Maputi Na Ang Buhok Ko: The Music of Rey Valera (Saranggola Media Production) by Joven Tan, starring Ariel Rivera, Gelli de Leon, Christopher de Leon; Unravel: A Swiss Side Love Story (MAVX) by RC de los Reyes, starring Gerald Anderson, Kylie Padilla; Here Comes The Groom (Quantum, Cineko, Brightlight) by Chris Martinez, starring Enchong Dee, Keempee de Leon, Eugene Domingo, KaladKaren; at Love You Long Time (Studio 360) by JP Habac, starring Carlo Aquino, Eissel Serrano.

Umaasa ang mga taga-industriya na susuportahan at tatangkilikin muli ng publiko ang SMMFF entries tulad ng ginawa nila sa 2022 MMFF.

AUTHOR PROFILE

Ian F. Fariñas