WAGING Best Actress ang veteran movie icon na si Charo Santos habang Best Actor naman si Christian Bables sa katatapos na 5th The EDDYS (Entertainment Editors’ Choice) ng Society of Philippine Entertainment Editors (SPEEd).

Matagumpay ang idinaos na Gabi ng Parangal sa Metropolitan Theater (MET) nu’ng Linggo ng gabi, November 27 kung saan nagwagi nga si Charo para sa pelikulang Kun Maupay Man It Panahon at si Christian para sa Big Night.

Ang naging host ng awards night ay ang nag-iisang King of Talk na si Boy Abunda habang ang OPM legend at singer-songwriter namang si Ice Seguerra ang nagsilbing direktor ng naturang event.

Big winner sa ika-5 edisyon ng The EDDYS ang On The Job: The Missing 8 na nakakuha ng walong tropeo kabilang na ang Best Film, Best Director para kay Erik Matti, Best Supporting Actress para kay Lotlot de Leon at Best Film (Reality Entertainment).

Bukod sa Best Actor, naiuwi rin ng Big Night ang Best Screenplay para kay Direk Jun Robles Lana.

Nanalo namang Best Supporting Actor si Mon Confiado para sa pelikulang Arisaka.

At tulad ng mga nakaraang taon, naging highlight ng Gabi ng Parangal ang pagbibigay ng 5th The EDDYS sa mga movie icon na sina Tito Sotto, Vic Sotto, Joey de Leon, Phillip Salvador, Roi Vinzon, Alma Moreno, Elizabeth Oropesa, Helen Gamboa, Divina Valencia at Sharon Cuneta.

Sina Phillip, Roi, Alma at Divina lang ang nakarating sa awards night.

Nagbigay naman ng pasabog at bonggang performance sina Jona, Zephanie, Regine Tolentino, Dance Royalties at ang direktor ng 5th The EDDYS na si Ice Seguerra.

Tulad ng mga nakaraang taon, ang auditing firm pa rin nina Juancho Robles (Chan Robles & Company, CPAs) ang namahala sa pagbibilang ng mga boto para sa 5th EDDYS.

Narito ang kumpletong listahan ng iba pang mga nagwagi:

Best Sound Design: Corinne de San Jose para sa On The Job: The Missing 8

Best Musical Score: Erwin Romulo (On The Job: The Missing 8), Cesar Francis Concio (Love is Color Blind) at Teresa Barrozo (Big Night)

Best Original Theme Song: Maghihintay mula sa More Than Blue (Words, music and performance by Marion Aunor)

Best Visual Effects: Mothership para sa On The Job: The Missing 8

Best Editing: Jay Halili On The Job: The Missing 8

Best Production Design: Whammy Alcazaren para sa Kun Maupay Man It Panahon

Best Cinematography: Neil Derrik Bion para sa On The Job: The Missing 8

Special awards:

Joe Quirino Award: Mario Dumaual

Manny Pichel Award: Eric Ramos

Rising Producers’ Circle: Rein Entertainment

Producer of the Year: Viva Films

Isah V. Red Award: Gretchen Barretto, Kris Aquino, Alfred Vargas, Kapuso Foundation at Sagip Kapamilya.

Posthumous Award: Susan Roces at Cherie Gil

Beautéderm Male and Female Faces of the Night: Sean de Guzman and Alexa Miro.