INTIMIDATED si Baron Geisler noon pa man kay Cristine Reyes nang nagkasama na sila sa projects.

Kaya naman nang inalok ni Boss Vic del Rosario ng Viva Films kay Baron ang pelikulang Dearly Beloved at nalaman niya na may intimate scenes sila ni Cristine, nag-mouthwash siya matapos mag-tootbrush.

“Siyempre, kailangan kong gawin ‘yon dahil nga intimidated ako sa kanya.

“Eh, inggit na inggit ako noon kay Empoy (Marquez) nang makapareha ni Cristine at may kissing scene sila. Si Empoy? Mahahalikan si Cristine?

“Kaya ginawa ko ang lahat para matuwa siya sa akin. Nawala ang intimidation ko sa kanya,” sey ni Baron sa mediacon ng Dearly Beloved kahapon.

Napansin nga raw ni Cristine ang tensiyon kay Baron na tila nanginig at tipong gustong magpa-BP bago kunan ang eksenang ‘yon.

Kaya naman pinakalma niya ito para maging maayos ang maiksing kissing scene nila.

Tungkol sa blended family ang Dearly Beloved na showing sa mga sinehan sa March 30.

AUTHOR PROFILE

Jun Nardo