TIKTOK STAR OF THE DAY
VENICE, like the city on water, makes hearts flutter. Sa dami ng nag-uusbungang mga content creator sa social media platform na TikTok, iba’t ibang pakulo ang kailangang ihain sa madla upang bumenta, at ang TikTok star na si Venice ay hindi nagpahuli upang siya’y magningning at kahumalingan.
Si Venice Lorranne Yang ay isang TikTok sensation at content creator na sumasabay sa pamamayagpag ng iba sa nasabing social media platform.
Sa kasalukuyan, ang TikTok star ay mayroong higit 220 thousand followers at higit 2.6 million likes sa kanyang account na may username na @venicelorranneyang. Bukod pa rito, sinusubaybayan din ng netizens ang dalaga sa account niya sa Instagram na may username ring @venicelorranneyang, na mayroon nang higit 13 thousand followers sa kasalukuyan. Kabog din ang social media presence ng dalaga sa Facebook kung saan humahakot ang kanyang mga post ng daan-daang reactions mula sa kanyang followers.
Ibinabandera ng TikTok star ang kanyang angking ganda, kaseksihan, perfect skin, lip synching skills, pagiging fashionista, travel contents, at higit sa lahat ang kanyang husay sa pagsayaw sa kanyang social media dahilan para magningning ang kanyang ngalan.
Si Venice ay “more than her nice body and pretty face” dahil unti-unting nakikilala ang ngalan niya sa mundo ng social media bilang digital creator at ilan nga sa mga ebidensiya nito ang tumataas at epektibong engagements ng kanyang mga contents.
