MAY bagong “baby” ang mag-asawang Liza Diño at Ice Seguerra at ito ay ang Rampa Drag Club, isang bagong hangout na bubuksan sa Quezon City sa January 17.

Kasosyo nina Ice at Liza sa venture na ito ang kapwa-LGBTQ+ advocates tulad nina RS Francisco, Cecille Bravo, Drag Race Philippines Season 1 winner Precious Paula Nicole, Drag Race superstars Vinas de Luxe at Brigiding at entrepreneur Loui Gene Cabel.

Sa ginanap na mediacon kamakailan para sa Rampa Drag Club, nagbiro si Ice na matagal na niyang pangarap na makapag-drag.

Hindi nakaligtas sa press at drag supporters ang linya niyang iyon dahil sinalubong nila ito ng malakas na palakpakan at hiyawan.

Anyway, napaka-spacious ng Rampa Drag Club. Meron itong 800 square meters na maglalaman ng state-of-the-art equipment para sa kakaibang entertainment experience ’di lamang ng LGBTQ+ community kundi ng lahat.

Ani Ice, “When you meet the right people at the right moment for the right purpose, what you create is automatically elevated to not just a business enterprise but a vision with a purpose. I can’t wait for people to experience what we have in store at Rampa.”

Ayon naman kay RS, “This is a fulfillment of a dream to elevate the drag scene in the Philippines and continue to support the future of drag as an art form in the country.”

Dagdag nila, ito ay isang “shared passion for creating a space that transcends traditional norms and fosters inclusivity.”

Maging si Precious Paula Nicole ay super excited na sa pagbubukas ng Rampa.

Hindi nga raw siya makapaniwala na mula sa pagiging isang performer sa drag clubs at pagiging contestant sa isang reality show, ngayon, eh, part owner na siya ng sarili niyang drag club.

“Dreams do come true,” diin niya.

Hindi lamang magsisilbing entertainment venue ang Rampa Drag Club. Magiging platform din ito ng empowerment at representation sa pamamagitan ng pagpi-feature ng best drag shows and performances.

Samu’t sari ang magiging paandar dito tulad ng Lesbian Nights, Transgender Nights, avant-garde drag shows, atbp.

“Our mission is to remove the stigma against going to LGBTQ+ clubs and venues. Drag is an art, and it’s something that even straight men and women can enjoy and embody. We know straight women who also do drag, as well as straight guys. Drag is like going to a theater performance, and we want Rampa to be that venue where we can celebrate who we are,” paliwanag naman ni Liza.