Kababalik lang niya galing Canada pero sumabak agad si Christine Bermas sa unang pelikula niya para sa 2024, ang sexy drama na Bedspacer, na dinirek at isinulat ni Carlo Obispo.

“Iba siya sa lahat ng nagawa kong pelikula in the past dahil may GL kami ni Micaella Raz,” sabi ni Christine sa presscon.

“First time kong magkaroon ng girl to girl scene. Hindi ko pa siya nagawa before,” dagdag niya.

Dati, hindi open si Christine sa paggawa ng mga GL scene.

“Pero sabi ko sa sarili ko, bakit hindi ko i-try?” Ibang generation na ng movies ngayon. Mas easy para sa akin to work with a girl than with a guy,” anang sexy star.

Sa mismong araw na dumating si Christine kasama ang boyfriend niyang si Nico Locco, nag-attend agad siya ng media conference ng Bedspacer.

Hindi mahigpit si Nico sa mga sexy project ng girlfriend.

Pero may mga ayaw din daw siyang ipagawa rito sa movies: Anything extreme at matinding sexy scenes o hubaran.

“Hindi rin ako very strict kay Nico because we’re in the same industry,” sabi ni Christine. “We’re in the same agency (Viva Artists Agency). We work for Vivamax. We support each other.”

Samantala, nag-umpisa naman si Direk Carlo na mamili ng cast niya para sa Bedspacer way back May 2023. Pero last December lang umano sila natapos mag-shoot.

“Nag-present sila ng stars para sa bagong proyekto at namili ako,” kwento ni Direk Carlo.

“Nag-usap-usap kami kung sino ang pasok sa ganitong character. Nagka- consensus kaming lahat sa mga artistang pinili namin. Happy naman kami,” patuloy niya.

Bukod kay Micaella, ang iba pang co-stars ni Christine sa Bedspacer ay sina Matthew Francisco, JD Aguas, Rash Flores, Aria Bench at Aila Cruz.