Piolo, ’di habol ang award sa ‘Mallari’
MALAKING challenge ang hinaharap ni Piolo Pascual sa pagtanggap niya sa period horror movie na Mallari ng Mentorque Productions ni John Bryan Diamante.
Killer priest kasi ang papel niya sa pelikula na inspired ng true story ni Fr. Juan Severino Mallari.
Katunayan, tinanggihan niya ito nang unang ialok, pero nagpalit ng isip at tinanggap nang mabasa ang tungkol sa buhay ng pari nu’ng Spanish colonial period.
Sa mediacon ng Mallari, sinabi ni Papa P na nasa point na siya ng career niya na gusto niyang ma-challenge sa pag-arte. Bet niyang gumawa ng iba’t ibang klase ng proyekto na hindi limitado sa rom-com o dramatic leading man mold.
Sabi pa niya, hindi niya tinatanggap ang isang offer dahil sa posibilidad na maipanalo siya nito ng acting trophy.
“I do what I do not because I wanna win awards or get accolades. I do what I do because it’s my job. Whatever comes after is just a reward. And if there would be, you know, a time I get recognized, of course, we’ll be thankful and grateful for that. But it’s not why I do what I do. I just really jump in and give my full commitment to a project and I take it from there,” paliwanag ni Papa P.
Anyway, kung papalaring mapili, wish ni John Bryan bilang producer na mapabilang sa 2023 Metro Manila Film Festival entries ang Mallari na ididirek ni Derick Cabrido.
