‘Overgrown’ ni Nadine, trending topic sa Twitter
NGAYONG Biyernes, June 23, na lalabas ang pinakahihintay ng fans na bagong single ni Nadine Lustre.
Ilang linggo na ngang trending topic si Nadine at ang Overgrown sa Twitter dahil sabik na sabik na ang followers ng singer-actress sa pagbabalik-recording niyang.
Lalo pa silang naatat nang ilabas ni Nadine ang mala-diyosa at diwata niyang pictorial para sa single release mula sa Wild Entertainment.
One with nature ang tema ng photo shoot, swak sa pagiging environmentalist ni Nadine sa tunay na buhay.
Pinuri rin nila ang Viva Artists Agency (VAA) talent sa inspirasyon na ibinibigay niya sa pamamagitan ng pagmamahal sa musika at Inang Kalikasan.
Ilan naman sa celebrities na napanganga sa litrato ni Nadine ay sina Bea Alonzo, Barbie Imperial, Ivana Alawi, Maja Salvador at marami pang iba.
Nakatakdang ilabas ang kanta sa June 23 at may visualizer release sa June 30.
Samantala, kumpirmado nang isinumite ng Viva Films ang bagong proyekto ni Nadine na Nokturno sa 2023 Metro Manila Film Festival (MMFF).
Ang Nokturno ang reunion project nila ni Direk Mikhail Red, direktor ng top-grossing at award-winning 2022 MMFF entry ng Viva na Deleter.
