Fresh from their brief separation, ang sweet ng birthday message ni dating Senador Kiko Pangilinan sa kanyang asawang si Sharon Cuneta. Kabog lahat ang iba pang birthday greetings na natanggap ng Megastar.

Nag-post si Kiko ng mga larawan ng birthday celebration ni Sharon with him and the kids in Seoul, South Korea.

“Happy birthday to my sweetheart, my wife, my best friend and the mother of my children, Sharon,” simula ng caption ng hubby ni Shawie.

“I will always be here for you, to cheer you on, to raise you up, to be by your side and to support you always. I love you dearly, fiercely, unceasingly,” patuloy pa niya.

“I pray for your happiness, good health and success this 2024 and beyond,” mensahe pa niya sa misis.

Sa huli, sey pa ni Kiko, “In the end, love conquers all!.”

Sa isa pa niyang post ay makikita ang family photo nila at isang video na masaya silang naglalakad ni Sharon habang nag-i-snow.

Para silang mga batang walking in the snow at nag-kiss pa sila, huh!

Masayang-masaya sila na nag-snow sa mismong birthday ni Mega.

“Thank you for the birthday gift of snow on the 6th. From up above, a precious reminder to the family of His love and faithfulness,” caption ng mister ni Shawie.

Matatandaan na inamin ni Sharon sa isang live video bago sila umalis na nag-away at naghiwalay sila ni Kiko pero nagkabati rin naman.

“Nag-away kami, naghiwalay kami, tapos, nagbati na kami. So, okay na kami, okay? So, that’s the meaning of all the messages I post,” sey ni Shawie sa naturang video.

Singit naman ni Kiko na katabi niya, “Sabi ko nga, lahat ng pamilya, lahat ng mag-asawa, nangyayari ang tampuhan.”