MATAGUMPAY na nahuli ng National Bureau of Investigation (NBI) ang isang pinaniniwalang male pimp sa isang entrapment operation sa Angeles City kamakailan lamang.

Ayon kay NBI-Pampanga District Office (NBI-PAMDO), ang suspek ay agad na dinal para sa isang inquest hearing sa Office of the City Prosecutor sa Angeles City dahil sa mga kasong Qualified Trafficking in Persons sa ilalim ng Seksyon 6 ng Republic Act No. 9208, na binago ng R.A. 10364, kaugnay ng Cybercrime Prevention Act of 2012.

Ang operasyon ay naikasa matapos ang impormasyong natanggap ng NBI-PAMDO na nagsasabing ginagamit ng suspek ang isang pekeng Facebook account upang mag-alok ng serbisyong sekswal ng mga menor de edad sa Angeles City, Pampanga.

Matapos ang sunod-sunod na surveillance operations na isinagawa ng NBI-PAMDO, na-verify ang impormasyon at napatunayang nagpapadala ng malalaswang larawan ng mga menor de edad ang suspek sa mga potensyal na kliyente, sa halagang P3,000 hanggang P10,000 kada pakikipagtalik.

Nakapagsagawa ng komunikasyon ang mga undercover agent ng NBI-PAMDO sa suspek sa pamamagitan ng Facebook at matagumpay na nakipagtransaksyon para sa isang menor de edad.

Naganap ang operasyon noong Mayo 18, 2023, nang sama-sama ang NBI-PAMDO, sa pakikipagtulungan sa 301st Special Mission Group ng 300th Air Intelligence Security Wing ng Philippine Airforce, sa pinagkasunduang lugar ng pagtitipon.

Dumating ang suspek sa lugar na sakay ng motorsiklo, kasama ang isang babae bilang pasahero. Ibinalita niya sa mga undercover agent na menor de edad ang babae at ito ang taong inaalok para sa mga serbisyong sekswal.

Matapos ang pagkumpleto ng transaksyon, kung saan nagpalitan ng markadong pera bilang bayad para sa menor de edad na sex worker, agad na inaresto ng mga tauhan ng NBI-PAMDO ang suspek.

AUTHOR PROFILE

Hector Lawas