Kathryn, Andrea magsasabong
KATHRYN Bernardo at Andrea Brillantes, parehong nominado bilang “Most Outstanding Social Media Personality” sa 6th Gawad Lasallianeta.
Ang naturang nominasyon sa dalawang aktres ay nakatanggap ng pagbati mula sa Star Magic, ang talent-management arm ng ABS-CBN.
Kasama rin sa nominado sa nasabing kategorya sina Belle Mariano at Joshua Garcia, kapwa Kapamilya stars.
Bukod dito, nominado rin si Kathryn sa iba’t ibang kategorya tulad ng “Most Outstanding Film Actress” para sa kaniyang pelikulang “A Very Good Girl,” “Most Outstanding Brand Endorser,” “Most Outstanding X Influencer,” at “Most Influential Filipino Celebrity.” Habang si Andrea Brillantes naman ay nominado rin sa iba pang kategorya gaya ng “Most Outstanding TikTok Content Creator.”
Hindi rin magpapahuli si Daniel Padilla na nominado bilang “Most Influential Filipino Celebrity.”
Bukod sa Gawad Lasallianeta, parehong nominado rin sina Kathryn at Andrea bilang “Actress of the Year” sa 9th RAWR Award. Kasama rin sa nominado ang KathNiel bilang “Loveteam of the Year” sa nasabing award-giving body.
