Julia-Diego movie, umani ng papuri
HINDI man nakadalo si Diego Loyzaga sa premiere night ng pelikula nila ni Julia Barretto na Will You Be My Ex?, todo-suporta at tuwang-tuwa naman niyang ipinost ang magandang feedback dito sa kanyang Instagram Story.
Siyempre, proud si Diego sa papuring inaani ng Real Florido film na tinawag na perfect at meaningful ang titulo. Hindi “mema” lang ang titulo nito dahil significant sa story.
Mapanakit man ang linyahan sa mga eksena, kakalma pa rin ang emosyon mo dahil sa totoong buhay, kailangan mong marinig ang gaya nito.
Anyway, bukod kina Julia at Direk Real, rumampa rin sa red carpet ng ina niyang si Marjorie Barretto, kapatid na si Leon at iba pang showbiz personalities.
Kabilang dito sina dating Film Development Council of the Philippines (FDCP) Chairman Liza Diño, Ice Seguerra, Sean Guzman, Quinn Carillo, atbp.
Kasama rin sina Bea Binene at Mickey Ferriols, showing na sa mga sinehan nationwide ang Will You Be My Ex? ng Viva Films.
