Ex-OFW nagbigay inspirasyon sa mga engineering students sa Bataan
BALANGA CITY, Bataan–Nagbigay ng inspirational remarks ang dating overseas Filipino worker (OFW)-engineer sa mga Electronics & Communications Engineering (ECE) students sa Bataan para gabayan sa kanilang chosen career.
Bilang representante ng Junior Chamber International, naging panauhing pandangal kamakailan sa Bataan Peninsula State University (BPSU) at Bataan Heroes College si Engr. Jhun Retuta Lachica.
Sinabi ni Lachica na natutuwa siya mag-represent sa JCI Bataan bilang guest speaker sa BPSU at Bataan Heroes College.
Matagal nagtatrabaho sa Dubai ang engineer at nakakauwi sa Pilipinas dalawa o tatlong beses isang taon para magbakasyon at ayusin ang kanyang mga negosyo dito.
“Together with JCI Bataan, we’re committed to nurturing the next generation of leaders in our community,” ani Lachica.
Ipinaliwanag din ni Lachica sa mga estudyante ang kahulugan ng “the journey beyond graduation and the steps to achieving their career goals.”
“Together, let’s make a positive impact in our community,” dagdag pa niya.