Pinangunahan ni PRO3 director Brig. Gen. Jose Hidalgo Jr. (gitna) ang change of command ceremony ng Angeles City Police Office sa Camp Lt. Tomas Pepito, Angeles City. Nasa larawan din sina incoming ACPO officer-in-charge Col. Amado Mendoza Jr. at outgoing OIC Lt. Col. Deonido Maniago Jr. Kuha ni BERNARD GALANG
Angeles City Police may bagong OIC
Camp Olivas, City of San Fernando, Pampanga — Pinangunahan ni PRO3 director Brig. Gen. Jose Hidalgo Jr. noong Martes ang turnover ceremony ng Angeles City Police Office sa Camp Lt. Tomas Pepito, Angeles City.
Itinalaga bilang bagong officer-in-charge ng Angeles City police si Col. Amado Mendoza Jr., na pinalitan si Lt. Col. Deonido Maniago Jr., na naging OIC ng Angeles City police nang higit tatlong buwan.
Si Mendoza ay miyembro ng PNPA Kapanalig Class of 1997 at dating itinalaga bilang hepe ng PRO3 Regional Logistics and Research Development Division habang si Maniago ang mamumuno sa PRO3 Regional Intelligence Division.
