Ex-Speaker Pantaleon Alvarez
Source: Pantaleon Alvarez FB
ALVAREZ KINONDENA
Sa panawagang magbitiw PBBM upang humupa WPS tension – drop head pedeng wala sa print ilagay online
KINONDENA ng isang lider ng Kamara de Representantes si dating Speaker Pantaleon Alvarez sa panawagan nito kay Pangulong Ferdinand “Bongbong” R. Marcos Jr. na magbitiw sa puwesto upang humupa ang tensyon sa West Philippine Sea (WPS).
Ayon kay House Assistant Majority Leader at Lanao del Sur 1st District Rep. Zia Alonto Adiong, malinaw na isang political maneuvering ang panawagan ni Alvarez na naglalayong gawing Pangulo si Vice President Sara Duterte, anak ni dating Pangulong Rodrigo Duterte.
“It’s transparent that Representative Alvarez is less concerned about national strategy and more focused on political maneuvering,” punto ni Adiong.
“His call for President Marcos Jr. to resign is a thinly veiled attempt to expedite Vice President Sara Duterte’s ascent to the presidency, capitalizing on their shared pro-China stance,” dagdag pa nito.
Sinabi ni Adiong na mistulang minamaliit at hindi inirerespeto ni Alvarez ang demokratikong proseso na nagbigay ng mandato kay Pangulong Marcos.
Ayon kay Adiong, hindi ang kapakanan ng bansa ang tunay na layunin ng panawagan ni Alvarez kundi pansariling kapakanan. Si Alvarez ay kaalyado ni dating Pangulong Duterte.
“We must question the motives behind such statements and recognize them for what they are: political strategies, not genuine concern for national welfare,” punto ni Adiong.
Sinabi ng mambabatas na mahalaga na para sa kapakanan ng bansa ang mga desisyon na ginagawa ng mga lider ng bansa at hindi para sa ambisyon ng iilan.
“Our nation’s leadership and policy decisions should be guided by the best interests of the Philippines, not by the political ambitions of a few,” sabi ni Adiong.
Kamakailan ay naglabas ng pahayag si Alvarez at nanawagan ito na magsakripisyo si Pangulong Marcos at magbitiw sa puwesto upang maging pangulo si Vice President Duterte at humupa ang tensyon sa WPS.
