KAMPO MAJOR HENERAL LICERIO I. GERONIMO– Taytay, Rizal–Nasakote noong Miyerkules ang tatlong suspek sa panghahalay sa Rodriguez, Cainta at Antipolo sa Rizal, ayon kay Rizal police director P/Col. Felipe Maraggun.

Unang natimbog si alyas Clarence sa Rodriguez dakong alas-5:30 ng hapon sa Libongco 4 Subdivision ng mga tauhan ng Rodriguez police.

Nahuli si alyas Clarence sa bisa ng arrest warrant na inisyu ni Presiding Judge Mohammad Aquil Tamano ng Regional Trial Court, Fourth Judicial Region Branch 77 ng San Mateo Rizal.

Bandang alas-6:45 ng hapon sa Monte Vista Subdivision, Brgy. Sto Niño, Cainta, Rizal nahuli si alyas Lance ng Cainta police sa bisa ng warrant of arrest na inisyu Exec. Judge Ronaldo Martin ng Regional Trial Court ng Branch 73 ng Antipolo City.

Isa pang suspek, si alyas Joshua, ang nasakote ng mga otoridad bandang alas-11:31 ng gabi sa Brgy. Mayamot, Antipolo City dahil sa statutory rape.

AUTHOR PROFILE

Jojo C. Magsombol