TIKTOK STAR OF THE DAY
SA dami ng nag-uusbungang mga content creator sa TikTok, iba’t ibang pakulo ang kailangang ihain sa madla upang bumenta, at ang TikTok star na si Ann ay hindi nagpahuli upang siya’y magningning at kahumalingan.
Si Ann Sanchez o kung minsan ay kilala ng kanyang mga social media followers bilang “Annnya” ay iTikTok sensation na hinahangaan sa kanyang taglay na alindog at ganda.
Sa kasalukuyan, ang TikTok star ay mayroong higit 367 thousand followers at 2.6 million likes sa kanyang account na may username na @ann.nya__. Bukod pa rito, sinusubaybayan din ng netizens ang dalaga sa account niya sa Instagram na may username na @annnnya__, na mayroon nang higit 36 thousand followers sa kasalukuyan.
Ibinabandera ng TikTok star ang kanyang angking ganda, kaseksihan, lip syncing skills, pagiging fashionista, at higit sa lahat ang kanyang husay sa pagsayaw sa kanyang social media dahilan para magningning ang kanyang ngalan.
Bukod sa paggawa ng lip syncing at dance contents, marami ring ine-endorse na produkto si Ann mula sa mga affiliate brands sa TikTok.
Ang pangunahing sandata man ng TikTok star ang kanyang perfect body at beauty ay ‘di maipagkakailang unti-unting nakikilala ang ngalan ni Ann sa mundo ng social media bilang digital creator at ilan nga sa mga ebidensiya nito ang umaagos na suporta sa kanya ng mga tagahanga at maging ang ilang brand partners ng dalaga.
