South Cotabato niyanig ng lindol
NIYANIG ng 5.0 magnitude na lindol ang Surallah, South Cotabato Sabado, ayon sa Philippine Institute of Volcanology and Seismology (Phivolcs).
Ayon sa ahensiya, tectonic ang origin ng lindol na may lalim na 9 na kilometro.
Base sa monitoring ng agency, naramdaman ang Intensity IV sa Surallah, Banga, Tampakan, Tupi, T’Boli at Koronadal sa South Cotabato; Maasim, Alabel, Gla at Malapatan sa Saranggani at sa General Santos.
Naramdaman naman ang Intensity III sa Lake Sebu sa South Cotabato at Malungon sa Sarangani.
Intensity II naman ang naramdaman sa Maitum sa Sarangani.
Ayon sa Phivolcs, asahan na ang mga aftershocks matapos ang lindol.
