Sekyu timbog dahil sa violence vs women, kids
KASONG violence against women and children act ng 9262 section 5 ng 2004 (Psychological Violence ) ang kinahaharap ng isang 41-anyos na security officer makaraang isilbi ang arrest warrant sa isang bahay sa Cordillera St. sakop ng Brgy.621, Zone 62 , Sta. Mesa, Manila, Linggo ng gabi.
Kinilala ni Manila Police District Director P/ B.Gen.Leo ” Paco” Francisco ang suspek na si Dauden Ronquillo, may asawa, residente ng Lot10 Block 74, Panganiban St., Concepcion 2, arikina City.
Batay sa ulat ni P/ Major Cicero Pura, hepe ng District Special Operation Unit ( DSOU) ng MPD, bandang 6:30 p.m. nitong Nobyembre 7 nang damputin si Ronquillo sa 3061-29 A Cordillera St., Sta.Mesa.
Ayon sa report ni Major Pura, katuwang nito sina P/ Capt.Dave Garcia, Deputy Chief ng DSOU; P/ Capt.Emmark Dave Apostol ng Regional Investigation Unit ng National Capital Regional Police Office at ilan pang mga tauhan nito nang nag-surveilance sa kinaroroonan ni Ronquillo.
Ang suspek ay naaresto sa bisa ng arrest warrant na inisyu noonh Nov. 2, 2021 ni Judge Ron Gabbuhat San Pedro, ng Regional Trial Court Family Court Branch 15 ng Taguig City.
Nasa P72,000 ang inilaang piyansa para sa pansamantalang paglaya ng suspek. Francis Naguit & Jon-jon Reyes
