First movie ni Janella Salvador with Piolo Pascual ang Metro Manila Film Festival 2023 entry na Mallari at aminado ang aktres na bago niya tinanggap ang offer ay ayaw na sana niya talagang gumawa muna ng horror film.

“To be honest with you, before I accepted this film, sabi ko sa sarili ko, parang gusto ko munang magpahinga sa horror,” sey ng aktres sa grand mediacon ng Mallari last Saturday.

“Kasi, medyo nata-typecast na rin ako sa mga horror. My first film was Haunted Mansion, it was horror. I did Bloody Crayons, it’s also a slasher film, Killer Bride, parang naging tuluy-tuloy ‘yung horror, hindi siya nawala and I said, gusto ko munang magpahinga,” she explained.

“But as soon as I read the script, sabi ko, ‘this is something na hindi ko siya pwedeng palampasin. It’s so well-written, it’s very detailed,” aniya.

Pero at the same time, kinabahan nga rin siya dahil ang makakasama niya ay ang nag-iisang Piolo Pascual.

“Kinabahan ako nang slight kasi hindi ko lang makakatrabaho dito si Papa P, partner ko siya dito.

“So, kinabahan ako pero I couldn’t let it pass,” sey ng aktres.

Bakit siya kinabahan kay Piolo?

“Because he’s Piolo. He’s that. He’s accomplished so much. Pero nu’ng nasa set na kami, never niya pinaramdam, never ko naramdaman ‘yun na Piolo siya,” sabi ni Janella.

Papuri pa ng aktres kay Papa P, “He’s very generous. I could see him also working hard for this role. Lahat kami dito, we’re all just really trying to portray a role, na pantay-pantay kami, and, yeah, he worked really hard for this film.”

Showing na sa Dec. 25 ang Mallari produced by Mentorque Productions and distributed by Warner Bros. Pictures.

Ito ay mula sa direksyon ni Derrick Cabrido. Kasama rin sa cast sina Gloria Diaz, JC Santos, Ron Angeles, Tommy Alejandrino at marami pang iba.

AUTHOR PROFILE

Vinia Vivar