SUPER proud hubby ang peg ng Kapuso Primetime King na si Dingdong Dantes sa latest achievement ng misis niyang si Kapuso Primetime Queen Marian Rivera na lilipad pa-Israel sa December 6 para mag-judge sa 70th edition ng Miss Universe pageant.

Sa Instagram post ng aktor kahapon, in-upload niya ang isa sa mga kuha ni Marian para sa Miss U pictorial sabay lagay ng lyrics mula sa signature song ng Pinoy group na Hotdog na Ikaw ang Miss Universe ng Buhay Ko: “Sabi nga ng bandang Hotdog, ‘malinaw na malinaw, ngayon at ano mang araw, ikaw ang Miss Universe ng buhay ko.’ Naaaks!

“Always proud of you, @marianrivera!”

Sagot naman ng aktres sa comment section, “Awwww umuwi kana! Sobrang miss na kitaaaa” na binuweltahan ni Dong ng, “@marianrivera see you soon.”

Kasalukuyang nasa lock-in taping si Dong para sa bagong mini-seryeng Alternate kasama ang bagong Kapuso na si Beauty Gonzalez.

AUTHOR PROFILE

Ian F. Fariñas