‘Hard Day’ MMFF entry, pamasko ni Dingdong sa fans
ANG Metro Manila Film Festival entry niyang A Hard Day na produced ng Viva Films ang handog ni Dingdong Dantes sa fans ngayong Kapaskuhan.
Dahil sa Covid-19 pandemic, medyo matagal-tagal na ring hindi napapanood sa big screen ang mister ni Marian Rivera.
Sa Kapuso network docu na Amazing Earth tuwing Linggo lamang siya nakakasama ng kanyang mga follower kaya naman masayang-masaya si Dingdong na sa wakas ay matutuloy na ang pagpapalabas ng A Hard Day sa mga sinehan sa Pasko.
Incidentally, ang maaksyong pelikula ay Pinoy adaptation ng isang hit Korean movie (2014) na pinagbidahan nina Lee Sun-kyun at Cho Jin-woong.
Sa Instagram post ng aktor, sinabi niya na, “I’m very happy to share with you all that our film, A Hard Day, will be part of this year’s Metro Manila Film Festival.
“Marami pong pinagdaanan ang pagbuo sa pelikulang ito. Isa ito sa mga naudlot naming proyekto noong nagsimula ang pandemya.
“This was intended to be showcased during the first ever Metro Manila Summer Film Festival which was also cancelled due to quarantine restrictions.
“Pero ngayon, tuloy na tuloy na ito! I’m honored to have worked with a great team, and with one of the country’s internationally acclaimed actors — John Arcilla, who was recently awarded with the Volpi Cup for Best Actor at the 78th Venice Film Festival.
“Pamasko na po namin ang pelikulang ito para sa mga kababayan natin. Habang unti-unting umaahon pabalik ang ating bayan, unti-unti ring manunumbalik ang mga tatangkilikin natin na pelikulang Pilipino.”
Ang A Hard Day ay mula sa direksyon ni Direk Law Fajardo at bukod kina Dingdong at John, nasa cast din sina Al Tantay, Janno Gibbs, Meg Imperial, Rafa Siguion-Reyna, Guji Lorenzana, AJ Muhlach, Arvic Tan, Garry Lim, Chad Kinis, Jelson Bay, Pio Balbuena, Kedebon Colim, Lou Veloso, Nor Domingo, Lander Vera Perez, Archie Adamos, Lhian Key Gimeno, Vincent Soberano, Ronald Moreno at Marita Zobel.
AUTHOR PROFILE
Concerts and Movies
