INARESTO ang isang 46-anyos na ginang dahil sa kasong “estafa” ng mga operatiba ng District Investigation Directorate and Management Division, Criminal Investigation Section (DIDMD-CIS) Manila Police District (MPD) Warrant Section, umaga ng Martes, Abril 25.

Ayon kay P/Lt. Col. Orlando Mirando Jr., hepe ng DIDMD-CIS, inaresto ang suspek na pawang residente ng Lungsod Quezon.

Sa ulat ni P/Capt. Jerry Campo, hepe ng Warrant Section, inihain ang arrest warrant sa suspek na inisyu ng Regional Trial Court (RTC) Branch 93, Balanga Bataan City sa nabanggit na kaso.

Namataan ang suspek sa Ermita, Maynila at dito na nadakip ang suspek ng mga operatiba ng DIDMD-CIS.

Nagpasalamat naman si MPD Director P/BGen. Andre P. Dizon sa DIDMD-CIS at Warrant Section sa pag-aresto sa suspek bilang pagtupad sa Simultaneous Anti-Criminality Law Enforcement Operations (SACLEO) at “Oplan Galugad.”

AUTHOR PROFILE

Jonjon Reyes