Apat na moral na mahalagang utos para sa edukasyon
MALIGAYANG Pasko sa ating lahat!
Ayon kay Leslie Kaplan at William Owings (American Education ©2011), ang kapakanan ng isang bansa ay nakasalalay sa edukasyon ng lahat ng mga mag-aaral para sila ay maging ganap sa pakikilahok sa isang demokrasya at sa ekonomiya nito. Ang edukasyon ay seryosong usapin at nangangailangan ng lubos na atensyon at dedikasyon ng isang Kalihim ng Kagawaran ng Edukasyon at ng kanyang pangkatupang mapabilis ang tamang pagpapatupad ng mga reporma na tumutugon sa mga kahinaan ng sistema ng pampublikong-paaralan na patuloy na ang nagpatatapos ay may kapasidad ng pag-iisip ng bata sa ikalimang baitang lamang. Mali ang palagay na ang mga kahinaang ito ay limitado lang sa emosyonal na isyung mas mataas na suweldo ng guro at pagpapatayo ng mas maraming silid-paaralan na pinaniniwalaan ng mga simplengmag-isip na ganap na solusyon sa edukasyon.
Sinabi ni John Goodlad na may apat na moral na makapangyarihang utos para sa mga paaralan at mga guro: 1. Upang ihanda ang mga mag-aaral na mamuhay sa isangdemokrasya; 2. Upang bigyan ang mga mag-aaral ng mahahalagang kaalaman at kasanayan; 3. Upang bumuo ng epektibong relasyon sa mga mag-aaral; 4. Upang maging mabuting tagapamahala.
Una, ang pampublikong paaralan ang tanging pambansang institusyon na partikular na itinalaga upang ihanda ang mga mag-aaral na mamuhay nang responsable sa isang demokratikong republika at isulong ang panlipunang kagalingan. Kailangang paunlarin ang mga bata sa impormasyon, kasanayan, at gawi ng pag-iisip para epektibong makakalahok sa halalan at makakatulong na magampanan ng tama ang kanilang obligasyon bilang mga botante, tagasunod ng batas, at tagapagbayad ng buwis. Ang mga mag-aaral ay nakakakuha ng kaalaman at mga kasanayan sa lohika at pangangatwiran upang magkaroon ng mapanuring pag-iisip at produktibong makapag-ambag sa ating lipunan. Ang malawakang pagkalat ng fake news, smart shaming at anti-intellectualism, budol budol, pyramiding ay mga sintomas ng kabiguan ng DepEd na matugunan ang dakilang misyon na ito.
Pangalawa, tinutulungan ng mga paaralan ang mga mag-aaral na malaman ang tungkol sa mundo bilang isang serye ng mga pisikal at biyolohikal na sistema at bumuo ng mgakasanayan sa komunikasyon sa pamamagitan ng “verbal” at “numerical fluency.” Natututo ang mga mag-aaral ng kasaysayan; at pampulitika, panlipunan, pang-ekonomiya at kultural na mga katotohanan. Ang mga mag-aaral ay binabad sa mga tagubilin kung paano mangalap, magtatasa, at maghusga ng impormasyon at magpahayag ng lohikal na opinyon. Walang paniniwala, saloobin, o kasanayan ang makakapigil sa kalayaan ng mag-aaral sa pagkuha ng kinakailangang kaalaman. Bigo ang Dep Ed na magbigay ng espasyo sa pagsasanay sa mapanuringpag-iisip at pinipigil ang paglaganap ng paggamit ng unang wikang bata sa pagtuturo, kabilang dito ang FSL na inutos ng RA 10533 at RA 11106. Dahil gahol sa silid-paaralan, kulang satulog ang mga bata ng unang “shift”.
Pangatlo, ang mga paaralan ay nagtatayo ng epektibong koneksyon ng guro at mag-aaral sapagkat ang pagtuturo ay isang personal na gawain. Kabilang dito ang pag-aalaga at pakikisalamuha sa mga indibidwal na mag-aaral sa isang pangkat na tagpuan. Ang relasyon ng guro at mag-aaral ay maaaring makatulong o makapinsala sa pag-aaral. Ang mga epektibong guro ay lumilikha at nagpapanatili ng isang ligtas, mapagmalasakit at mapaghamong kapaligiran na intelektwal. Kung ang mga mag-aaral ay nakaramdam ng takot, kahihiyan o diskriminasyon ng kanilang guro, hindi sila matututo. Dama ng mga mag-aaral kung iginagalang at gusto sila ng guro. Sinasabisa atin ng mga ulat ng bansa ng PISA 2018 at 2022 na tuloy pa rin ang mga maton sa pambubulas ng mga kapwa estudyante at hindi ito nabawasan.
Panghuli, ang mga paaralan at mga guro ay maging mabuting tagapamahala. Ang mga guro ay may etikal natungkulin at obligasyon na lampas sa silid-aralan. Upang magawa ito, tinitiyak nila ang pinakamataas na kalidad ng pagtuturo at pagkatuto para sa lahat ng mga mag-aaral sa paaralan (hindi lamang sa mga nasa loob ng kanilang sarilingmga silid-aralan). Ang pagtugon sa layuning ito ay nangangahulugan na ang mga guro ay dapat na nakabubuo at matulungin na mga kasamahan na nagbabahagi ng layunin saisa’t isa na gawing mas epektibo at kasiya-siyang lugar ang paaralan para sa lahat upang matuto at magtrabaho. Ang pagkamalikhain at inobasyon ng mga bagong henerasyon ng guro na gamitin ang unang wika ng bata sa kanyang pag-aaral ay pinipigilan ng mga pinuno ng paaralan na baliw sa kolonyal nabilingguwal na paggamit ng mga pangalawang wika saedukasyon na nagpapakita ng diskriminasyon sa mga batanghindi bihasa sa English at Filipino.
Kung ang Kalihim ng Edukasyon ay wagas ang pagmamahal sa Pilipinas, dapat niyang tanggapin ang kanyangmga pagkukulang at tumabi para ipaubaya sa ibang tao na lubosna nakakaunawa sa apat na moral na mahalagang utos napamunuan ang Kagawaran ng Edukasyon. Ito ay isang napakagandang aginaldo sa sambayanan.
