Aga, nag-feeling Gerald kay Julia
MARIRINIG ang ilang sikat na kanta ng composer na si George Canseco sa pagbabalik sa big screen ni Aga Muhlach sa Viva movie na Ikaw Pa Rin ang Pipiliin Ko.
Si Julia Barretto ang kasama ni Aga sa movie at swak na swak naman ang chemistry nila sa big screen.
Kahit malayo ang edad, sinabi Direk Denise O’Hara na hindi pilit ang tandem nina Aga at Julia.
“Ang ganda ng character ni Julia. Ang galing-galing niya. All I have to do is react. I was just giving nuances to her lines, her reactions. Sinasakyan ko lang siya. Nakakatawa, nakakatuwa siya. We just didn’t focus on love story nila,” sey ni Aga.
Bakit hindi kanta ni Canseco ang ginamit sa title ng movie?
“Siguro gaya ng nabanggit kanina, we’ve been through a lot of discussions. Kasi we wanted the film to appeal din hindi lang sa generation natin but also the younger generation. So para madala natin sa kanila, kailangan natin ng maghahantid. So ‘yun ang purpose. May kantang Canseco na maghahatid sa new generation,” sagot naman ni Direk Denise.
Ayon kay Aga, gumawa ang Viva ng bagong tunog ng Canseco.
“Bukod sa Ikaw na binigyan ng bagong tunog, maririnig din ninyo ang bagong tunog ng Canseco songs sa choir. But the seriousness of that, binigyan pa rin namin ng background ng Ikaw Pa Rin ang Iibigin Ko, to see the lightness of the film so younger generations can relate,” rason ni Aga.
Ikinatuwa ng aktor na naranasan niyang makapareha ang gaya ni Julia mula sa ibang henerasyon kaya ang feeling niya, eh, siya si Gerald Anderson.
Sa February 7 mapapanood ang Aga-Julia movie.
Wala nga lang si Julia sa medicon dahil naipit sa promo sa isang TV show.
