Tauhan sa tindahan timbog sa ‘pagnenok’ ng P2K pagkain
BONGABON, Nueva Ecija – Arestado ang isang tauhan sa isang convenience store dito matapos akusahan ng pag-nenok ng P2,049 halaga ng mga paninda mula sa tindahan noong Martes.
Sinabi ni bagong talagang hepe ng pulis na si Major Alrick A. Erana na rumesponde ang kanyang mga tauhan sa tawag mula sa Alfamart Store sa Bgy. Vega, na ipinaalam sa kanila na isang tauhan ng tindahan ang umano’y nagnakaw ng iba’t ibang goodies mula sa tindahan alas-2 ng hapon.
Dumating ang mga pulis sa lugar at nasaksihan ang paghaharap ng store supervisor sa 22-anyos na suspek, ng Purok 3, Bgy. Villa Paraiso tungkol sa mga ninakaw na produkto ng tindahan.
Sinabi ni Erana na umamin din ang suspek sa kanyang ginawang krimen, na nagresulta sa kanyang agarang pagkakaaresto.
Narekober ang mga ninakaw na produkto ng pagkain at ang itim na Yamaha Mio ng suspek na pinaniniwalaang ginamit sa insidente ng pagnanakaw.
Sinampahan na ng kasong qualified theft ang suspek sa provincial prosecutor’s office sa Cabanatuan City.
