Ex-spox ‘nananaginip’ sa sinabing si VP Duterte ang totoong presidente

POSIBLE umanong nananaginip si dating presidential spokesman Harry Roque nang sabihin nito sa isang prayer-slash-peace rally sa Dumaguete, Negros Oriental na si Vice President Sara Duterte ang “true president” ng bansa.

Sa isang regular press conference noong Miyerkoles, sinabi ni Assistant Majority Leader at Zambales 1st district Rep. Jay Khonghun na maaaring nananaginip si Roque sa paniwala niyang ito.

“Tingin ko si Secretary Roque, he must be dreaming ano, parang binabangungot ata si Secretary Roque,” ani Khonghun. “Hindi susuportahan ng Pilipino yung gusto nilang mangyari.”

Ganito rin ang posisyon ng mga kapwa Assistant majority leader na si Lanao del Sur 1st district Rep. Zia Alonto Adiong at Ako Bicol Party-list Rep. Jil Bongalon.

“It’s laughable to think [that] for somebody who has served in government to even insinuate that the real president is Sara Duterte. I mean — is he trying to create a parallel universe here?” ani Adiong.”We simply cannot relate. It’s preposterous to even begin with talking about that. Plain and simple absurdity.”

“Those remarks are irrelevant,” wika naman ni Bongalon. “Sino ba binoto ni Harry Roque sa presidente? Bakit niya sinasabi si Sara [Duterte], ‘yung VP ‘yung tunay na presidente? So I guess may mali po doon.”

“He’s trying to be relevant nowadays. Hindi ko po alam kung ano ang rason niya kung bakit sinasabi niya ang ganung statements. Alam po natin, alam po ng masa na nanalo po si Pangulong Bongbong Marcos ng 31 million,” dagdag pa nito.

“Wag na po tayong mag-concentrate or bigyan ng panahon ang mga taong ito dahil they’re trying to be relevant,” punto pa ni Bongalon.

AUTHOR PROFILE

People's Tonight