NAGING challenge sa Regal producer na si Roselle Monteverde ang pag-finalize sa cast ng Shake, Rattle and Roll Extreme.

“Honestly, ang hirap mag-cast for Shake, Rattle and Roll Extreme,” pag-amin ni Roselle. “Each of the characters, very distinct. You look at the personality of the artists, if they fit the role and you think they have the capacity to really not act, but in a natural way, to deliver the character, that was how we choose kung sino ang papasok sa cast.”

Kina-ilangan ng Shake, Rattle and Roll Extreme ng chef sa episode na Mukbang ni Direk Jerrold Tarog.

Kaya si Roselle ang nag-suggest na i-tap si Ninong Ry para sa naturang papel. “Get one who does it. That’s Ninong Ry. We suggested the cast depending on their capacity to act. Of course, we also considered their personality para natural lang when you’re watching the episodes. You get carried away with the character,” anang producer.

Roselle collaborated with the directors and writers of every episode tulad nina Joey de Guzman for Rage and Richard Somes for Glitch.

Showing na ang SRR Extreme sa mga sinehan nationwide simula sa Nov. 29.

DATING P-POP SINGER/ACTRESS, TYPE MAKATRABAHO SINA JULIA AT ANNE

Nag-audition ang young performer na si Yumi Garcia sa P-pop girl group na Bella Donnas noong 15 years old pa lamang siya. Si Geleen Eugenio ang choreographer nila.
First group na sinalihan ni Yumi ang Bella Donnas. Before the pandemic, nagpe-perform sila every Tuesday to Saturday sa Teatrino, Greenhills.

Noon pa man, gusto nang maranasan ni Yumi ang ginagawa ng K-pop or BTS. “Ano ba ang feeling na ina-idolize ka ng mga tao?” tanong niya. “Ano ba ang feeling ng sumasayaw at kumakanta ka onstage? Pumasok ako sa dancing kasi gusto kong masubukan ang ginagawa ng K-pop idols,” aniya pa.

Nakatanggap si Yumi ng offer sa Viva na gumawa ng daring at sexy roles, pero tinggihan niya ito.

“Gusto ko ‘yung natsa-challenge ako,” aniya. “Gusto kong ma-try na umarte.”

May series si Yumi kasama ang isa pang young star na si Ashtine Olviga, ang Tropang Torpe. Kasama rin siya sa horror thriller na Marita.

Si Direk Roni Benaid, direktor din ng Mary Cherry Chua, ang namahala sa Marita with Rhen Escaño in the title role.

Kwento ng showbiz newbie, bigay ng mommy niya ang screen name niya.

“May idol po si Mommy na singer sa Japan at Ayumi ang name niya. I dropped the A and used Yumi. Since I was 14, ‘yun na ang name na ginagamit ko,” saad ni Yumi na gustong makatrabaho sina Julia Barretto at Anne Curtis.

Wala raw siyang time sagutin o awayin ang detractors niya.

“Tahimik po akong tao,” katwiran ng dalaga, “hindi ako palaban. Sa mga issue, hindi ko pinapatulan. Uungkatin nila ang lahat ng gusto nilang ungkatin sa buhay mo. Ready at prepared ako dahil ito ang pinasok ko.

“Hindi lang naman ako ang maraming haters. Kailangan i-defend ang sarili ko dahil alam ko ang totoo. Ina-anticipate ko kung ano ang mangyayari sa future. Handa ako,” patuloy niya.

Leah Salterio