Mandanas nanguna sa RDC meeting
PINANGUNAHAN ni Batangas Gov. Hermilando ‘DoDo’ Mandanas (encircled), chairperson ng Regional Development Council (RDC), ang isinagawang 1st Quarter Full Council Meeting noong Marso 7 sa Calamba City, Laguna para talakayin ang iba’t-ibang economic development initiatives na inaasahang magbibigay oportunidad sa mga mamamayan.
Kabilang sa naging bahagi ng meeting ang ilang ulat o sectoral reports sa pagbuo ng education roadmap, SLEx Toll Road 5 Project, Magna Carta for Public DRRM Workers at paglalaan ng pondo para sa Research and Development at pagproseso ng iba’t-ibang coconut by-products.