NAILIGTAS ng mga tauhan ng Bureau of Immigration (BI) noong Sabado ang isang babaeng muntik malaglag sa kamay ng mga illegal recruiter ng tangkain siyang escortan ng isa sa mga recruiter palabas ng bansa.

Nailigtas ang biktima na si alyas na Nina sa Davao International Airport makaraang tangkaing sumakay ng Scoot Airlines flight patungong Singapore.

Ayon sa biktima, pupunta siya sa Singapore bilang turista kasama ang kanyang employer pero inamin din na ni-recruit siya para magtrabaho bilang household service worker sa United Arab Emirates.

Inihayag din ni Nina na sinabi sa kanya ng kasamang lalaki na sabihin na nagbibiyahe siya bilang kanyang personal house helper para sa short vacation.

Sa beripikasyon, natuklasan na inisponsoran din ng lalaki ang isang babae na hindi na nakabalik sa idineklara niyang return date.

Inamin ng illegal recruiter na una niyang inescortan ang isang babaeng biktima patungong Singapore subalit inilipat sa Thailand.

Ayon sa BI immigration protection and border enforcement section (I-PROBES), nagre-recruit ng mga PInoy ang illegal recruiter para magtrabaho sa Middle East pero iniiwan din kinalaunan.

Itinurn-over ang biktima at escort sa interagency council against trafficking.

Nahaharap sa kasong human trafficking ang lalaki.

Nagbabala si BI Commissioner Norman Tansingco sa publiko na malaking hamon sa gobyerno ang repatriation o pag-rescue sa mga biktima.

“These traffickers dupe victims into agreeing to such schemes, only to leave them penniless in the middle of an unfamiliar foreign country. Aspiring workers should never ever agree to such arrangements,” sabi ni Tansingco.

AUTHOR PROFILE

Jun I. Legaspi