HINDI man natuloy ang pag-compete ni Herlene Nicole Budol na mas kilala as `Hipon Girl’ sa Miss Planet International nung November 19, 2022 sa Kampala, Uganda, walang pinagsisihan ang beauty queen, actress-comedienne host sa kanyang pagba-back out sa nasabing pageant. Ito’y dahil sa trauma na kanyang naranasan doon together with her team and manager na si Wilbert Tolentino.

Sa halip na maging sympathetic ang ilang kababayan sa kanyang sinapit sa Uganda maging ng iba pang candidates ay katakut-takot na pamba-bash pa ang kanyang natanggap.

“Wala akongpakialam s asinasabi nila sa akin dahil hindi nila naranasan ang hindi magandang nangyari sa akin sa Uganda,” pahayag ni Herlene.

Hindi na binayaran ng organizer ang hotel na kanilang tinuluyan, ginawa pa silang `hostage’ ng may-ari ng hotel. Kinuha umano ang kanilang passports at nang ayaw niyang ibigay ay tinutukan siya ng riple ng tatlong Ugandan policemen.

Kung hindi natulungan si Herlene ng kanyang manager na si Wilbert ay malamang hindi na siya nakalabas ng hotel.

Nagre-rehearse umano sila sa gitna ng araw at walang bubong, walang pagkain at tubig, tatlo hanggang apat na candidates sa isang kama at iisa ang kanilang tuwalya.

Nang makalabas ng hotel, ang unang impulse ni Herlene ay ang makauwi at makabalik ng Pilipinas at kinalimutan na niya na siyang kinatawan ng Pilipinas sa nasabing pageant.

“Kung kayo ang nasa katayuan ko, mananatili pa rin ba kaya `run?,” tanong niya.

“Sa buongbuhay ko, ngayon lamang ako nakaranas na matutukan ng baril (riple) at hindi pa rito sa Pilipinas kundi sa ibang bansa pa,” aniya.

There were 68 candidates sa Uganda pero dahil sa nangyari, the head organizer decided to move the pageant to Cambodia nung January 29, 2023 sa Koh Pich Theatre in Phnom Penh. This time ay 14 na kandidata lamang ang nakarating at isa rito ang kinatawan ng Pilipinas na si Amia Francisco (na pumalit kay Herlene) na siyangtinanghal na Miss Planet International.

“Masaya ako ng Pilipinas ang nanalo,” pahayag niya.

“Gusto ko lamang po linawin na hindi po ako tinanggal. Ako na po ang umayaw dahil nga po sa nangyari sa Uganda. Nagka-trauma po talaga ako,” pag-amin pa niya.

Sa 2022 Bb. Pilipinas ay nanalo siyang 1st runner-up at nakapag-uwi ng pinakamaraming special awards. Prior to the coronation night ay lumagda na siya ng kontrata sa Ever Bilena bilang brand ambassador ng Black Water line.

“Naniniwala po ako sa destiny pero kailangan mo itong pagtrabahuhan,” diin niya.

SUBSCRIBE, like, SHARE and click the bell icon of “TicTALK with Aster Amoyo” and “INSIDE SHOWBIZ with Aster Amoyo” on my YouTube channel. Follow me on Instagram and Facebook@asteramoyo and Twitter@aster_amoyo.