PATAY ang gun-for-hire suspek sa mga tauhan ng Police Regional Office (PRO)- 9 sa Zamboanga del Sur, ayon kay PRO9 director Brigadier General Bowenn Joey Masauding noong Huwebes.

Sa kanyang ulat kay Philippine National Police chief, General Rommel Francisco D. Marbil, sinabi ng opisyal na nasawi si Allan Giamat, 39, matapos makipagbarilan sa mga pulis na nagtangkang umaresto sa kanya dakong 12:45 ng madaling araw.

Ayon kay Masauding, natunton ng kanyang mga tauhan ang suspek sa Purok Mauswagon sa Brgy. Poblacion sa Labangan, Zamboanga del.

May mga warrants of arrest para sa multiple attempted murder at damage to property na inisyu ng Pagadian City Regional Trial Court Branch 18 sa Zamboanga del Sur laban sa napatay na suspek.

Isa pang warrant para sa paglabag sa Republic Act 10591 o Comprehensive Firearms and Ammunition Regulations Act of 2013 ang inisyu ng Pagadian City RTC Branch 19 laban sa suspect.

Isang pulis ang nakatama sa suspek kaya isinugod sa Aurora Municipal Infirmary kung saan siya idineklarang dead-on-arrival

“Binabati natin ang Zamboanga del Sur Police Provincial Office at ang operating teams sa kanilang hindi natitinag na katapangan at serbisyo,” sabi ng opisyal.

AUTHOR PROFILE

Alfred P. Dalizon