Bebot, 3 pa, timbog sa P1.4M shabu
NATIMBOG ng mga operatiba ng Station Drug Enforcement Unit (SDEU) ng Manila Police District- Ermita Police Station 5 ang apat na indibidwal kabilang ng isang babae sa isang buy bust sa Tondo, Manila.
Nakilala ang mga suspek na sina alyas “Amo” 32, ng 966 Abad Santos Ave., Brgy 226, Tondo, “Johnrey,” 34, ng 1032 Yuseco St. Brgy. 232, Tondo, “Wendell,” 24, ng 1966 Abad Santos Ave. Brgy 226, Tondo, Maynila, at “Kathleen,” 18, ng 1963 Abad Santos Ave. Brgy 226, Tondo, Manila.
Base sa ulat na isinumite ni Police Lieutenant Colonel Gilbert Cruz , Station Commander, kay MPD-Director Police Brigadier General Andre Perez Dizon, bandang 7:30 ng gabi ng mahuli ang mga suspek sa Abad Santos St., Barangay 226, Tondo, Manila.
Nahuli ang mga suspek sa pangunguna ni Police Captain Bernardo Diego, hepe ng SDEU.
